Երեկ «Մոսկվա» կինոթատրոնում «Կոդակ» ֆիրմայի ներկայացուցիչները սեմինար անցակացրին: «Առավոտի» հետ զրույցում «Կոդակ» ֆիրմայի ներկայացուցիչ Աննա Զերզելեն ասաց, որ նմանատիպ սեմինար-շփում Հայաստանում ունեցել են չորս տարի առաջ: Ա. Զերզելեն տեղեկացրեց, որ երեւանյան սեմինարի ընթացքում նրանք կպատմեն ժամանակակից տեխնիկայի եւ նրա հնարավորությունների մասին, ինչպես նաեւ ժապավենի, թվային կրիչների ընդհանրությունների, առանձնահատկությունների ու տարբերությունների մասին: Ա. Զերզելեն չմոռացավ հայտնել, որ վերջին «Օսկարի» գրեթե բոլոր հաղթող ֆիլմերը նկարահանված են եղել հենց իրենց ֆիմայի ժապավեններով:
Զրուցակիցը հույս հայտնեց, որ իրենց կողմից անցկացրած սեմինարը Երեւանում օգտակար կլինի ոչ միայն կինոարտադրության ոլորտում հաստատված անձանց, այլ նաեւ սկսնակների համար, որոնք իրենց առաջին քայլերն են անում դեպի մեծ կինո:
Նման սեմինարներ «Կոդակի» ներկայացուցիչներն ունեցել են նաեւ Ալմաթիում, Տաշքենդում եւ Մինսկում:
«Հայաստանում բավական արդյունավետ համագործակցում ենք Հայաստանի ազգային կինոկենտրոնի հետ: Այստեղ ենք գտնվում «Կինոաշուն» ազգային կինոյի ամիս» ծրագրի շրջանակներում»,- ասաց Ա. Զերզելեն:
