«Առավոտի» տեղեկություններով, նոյեմբերի 7-ին լրանում է ՍԴ անդամ, ՀՀ վճռաբեկ դատարանի նախկին նախագահ Հենրիկ Դանիելյանի 70-ամյակը: Դա նշանակում է, որ նա չի կարող շարունակել իր լիազորությունները՝ որպես ՍԴ անդամ: Նշենք, որ դեռ չի լուծվել նաեւ ՍԴ անդամ, հանգուցյալ Ռաֆայել Պապայանի տեղը զբաղեցնելու հարցը: ՍԴ օրենքի համաձայն, 2 ամսվա ընթացքում կարող է նշանակվել նոր ՍԴ անդամ: Եթե Ռ. Պապայանից հետո շոշափվում էր Քանաքեռ-Զեյթուն եւ Արաբկիր վարչական շրջանների ընդհանուր իրավասության դատարանի նախագահ Մհեր Խաչատրյանի եւ ՀՀ վճռաբեկ դատարանի քրեական պալատի նախագահ Դավիթ Ավետիսյանի անունները, ապա Հենրիկ Դանիելյանի թոշակի անցնելու դեպքում շրջանառվում է ՀՀ նախագահի «դոբրոն» ստացած, ԱԺ նախկին փոխնախագահ Արեւիկ Պետրոսյանի անունը:
