Նոյեմբերի 1-11-ը Երեւանում տեղի կունենա Շոպենի անվան երիտասարդ դաշնակահարների մրցույթը՝ նվիրված մեծ կոմպոզիտորի 200-ամյակին: Ինչպես, ըստ «Արմինֆոյի», երեկ հաղորդել է ՀՀ մշակույթի նախարար Հասմիկ Պողոսյանը, մրցույթին կմասնակցի 12 հայ դաշնակահար: «Առաջին հայացքից դա մեծ թիվ չէ, բայց միաժամանակ Շոպենի երաժշտությունը շատ բարդ է, եւ մենք ուրախ ենք, որ այդքան երիտասարդ տաղանդներ պատրաստ են իրենց կատարողական արվեստը ներկայացնել»,- նշել է նա: Նրա խոսքով, մրցույթին կմասնակցի նաեւ հայտնի լեհ դաշնակահար. գալա համերգի ժամանակ նա ելույթ կունենա Հայաստանի պետական ֆիլհարմոնիկ նվագախմբի հետ միասին: Հաղթողների պարգեւատրման արարողությունը տեղի կունենա Ազգային պատկերասրահում եւ կավարտվի Եժի Անթչակի «Շոպեն. Սիրո ցանկություն» ֆիլմի ցուցադրությամբ:
