![\"\"](\"https://www.aravot.am/2010/aravot_arm/October/29/p11.jpg\")
Առաջին անգամ համայնքի միջոցներով Նոյեմբերյանում ասֆալտապատում է կատարվում՝ սահմանամերձ քաղաքի Սայաթ-Նովայի փողոցում 500 քմ մակերեսով ճանապարհի մի հատվածում ասֆալտապատման աշխատանքներ են իրականացվում: Տերյան փողոցի սկզբնամասում արդեն փոսային նորոգումներ են իրականացվել՝ 260 քմ մակերեսով: Այս աշխատանքների համար համայնքային բյուջեից ծախսվել է 7 միլիոն դրամ: Իսկ մոտ մեկ ամիս առաջ ասֆալտապատվեց քաղաքի Նոյեմբերի 29-ի փողոցի 3-րդ շենքի բակը, որի համար քաղաքի բյուջեից ծախսվեց 4 միլիոն դրամ: Ասֆալտապատողը Նոյեմբերյանի ճանապարհաշինական «Լեւոն երկրորդ» ընկերությունն է: Նոյեմբերյանի քաղաքապետ Վանուշ Ամիրաղյանը վստահ է, որ նորակառույց ճանապարհն առնվազն 10 տարի կդիմանա: Նա ներհամայնքային ճանապարհների ասֆալտապատումը թանկ հաճույք համարելով հանդերձ, այն գերադասում է խճապատումից, քանզի աշնանային անձրեւները քշում-տանում են խիճը: Քաղաքապետը վստահեցրեց, որ եկող տարի համայնքի բյուջեով ասֆալտապատումը կշարունակվի:
