Գյումրիի տեխնոպարկի կառուցման շինաշխատանքները կսկսվեն 2011թ.: Այս մասին երեկ խորհրդարանում հայտարարեց էկոնոմիկայի նախարար Ներսես Երիցյանը՝ կառավարության հետ հարց ու պատասխանի ժամանակ անդրադառնալով ԱԺ փոխնախագահ Սամվել Բալասանյանի հարցին: Ըստ tert.am-ի՝ ծնունդով գյումրեցի պատգամավորին հետաքրքրում էր, թե ինչ ընթացքի մեջ են Գյումրիի տեխնոպարկի կառուցման աշխատանքները: Երիցյանը տեղեկացրեց, որ Գյումրիի տեխնոպարկի համար կառավարության որոշմամբ հատկացվել է Գյումրիի Մանկավարժական ինստիտուտի քանդված շենքի տարածքը:
Նախարարը նաեւ նշեց, որ այժմ մշակվում է տեխնոպարկի մոդելը: Տարեվերջին այն կդրվի հանրային քննարկման, իսկ 2011–ից արդեն կսկսվի տեխնոպարկի շինարարությունը:
