Շաբաթ օրը, հոկտեմբերի 23-ին, Արզնիում գտնվող վարժական կենտրոնում՝ բարձրությունից ցատկելու վարժության ժամանակ, զոհվել է Նուբարաշենում տեղակայված հատուկ նշանակության զորամասի մի սպա: Այդ վարժությունը կատարում են պարաշյուտից ցատկելու հմտություն ձեռք բերելու համար: Հավանաբար, սպայի զոհվելու պատճառը տեխնիկական անսարքությունն է եղել: Մեր աղբյուրը տեղեկացնում է, որ սպան դրանից առաջ այդ վարժության ժամանակ վնասվածք էր ստացել, կաղում էր եւ վատ կանխազգացմամբ է սկսել իր համար ճակատագրական վարժությունը:
