Աստղերին հասու վայելքներ

Հայտնի է, որ համաշխարհային սպորտի գերաստղերի տարեկան վաստակը միլիոնավոր դոլարներ է կազմում, ու նրանք հասարակության մշտական ուշադրության կենտրոնում են ոչ միայն մարզական ցուցանիշներով, այլեւ իրենց ապրելաձեւով ու կենցաղով:
Բազմամիլիոն մարզասերներին հատկապես հետաքրքրում է, թե ինչպե՞ս են ապրում ամենասիրված մարզաձեւի՝ ֆուտբոլի վերնախավի ներկայացուցիչները՝ ո՞ւմ հետ են անցկացնում անձնական կյանքը, ի՞նչ տներում են ապրում, որտե՞ղ եւ ինչպե՞ս են հանգստանում, ի՞նչ մեքենաներ են վարում… Յուրաքանչյուր ֆուտբոլային աստղ իր նախասիրությունները եւ ճաշակն ունի եւ հաճույքի համար ոչինչ չի խնայում: Ասվածը վերաբերում է նաեւ նրանց անձնական շքեղ մեքենաներին, որոնց արժեքը վեցանիշ թվերով է գնահատվում: Դատելով ստորեւ ներկայացվող մեքենաներից, կարելի է ասել, որ ֆուտբոլային գերաստղերի մեծ մասը նախապատվությունը տալիս է սպորտային ոճին, թեեւ դժվար թե նրանք բավարարվեն մեկ մեքենայով: