«ԵրեւանՋուր» ընկերությունը սպառողներին տեղեկացնում է, որ Զովունի գյուղը սնող պոմպակայանում առաջացած տեխնիկական խնդրի հետեւանքով Զովունիում ջրամատակարարումը դադարեցվել է: Ըստ ընկերության, ձեռնարկվել են անհրաժեշտ վթարավերականգնողական աշխատանքներ, որոնք նախատեսված է ավարտել այսօր երեկոյան: Մինչ այդ՝ ընկերությունը Զովունի գյուղի ջրամատակարարումն իրականացնում է ջրբաշխիչ մեքենաներով:
Շինարարական աշխատանքներով պայմանավորված՝ հոկտեմբերի 25-ի ժամը 10-ից մինչեւ հոկտեմբերի 26-ը ժամը 10-ը կդադարեցվի նաեւ Նորք-Մարաշ, Ավան վարչական շրջանների, Նոր Նորքի 1, 2, 3, 6, 7, 9-րդ զանգվածների (իսկ 4, 5, 8-րդ զանգվածներում ջրամատակարարումը կիրականացվի գրաֆիկի խախտումով), Էրեբունի վարչական շրջանի՝ Սարի թաղի փողոցների, Վարդաշենի հանրակացարանների, Մուշավան թաղամասի ջրամատակարարումը:
