![\"\"](\"https://www.aravot.am/2010/aravot_arm/October/23/p1.jpg\")
Երեկ «Հայելի» ակումբում «Ժառանգություն» կուսակցության վարչության փոխնախագահ Ռուբեն Հակոբյանը հետեւյալ հարցն է ուղղել ՀՀԿ խմբակցության պատգամավոր Ռաֆիկ Պետրոսյանին. «Վերջին երկու գումարման ժամանակ ԱԺ մեծամասնականով մուտք է գործել 82 պատգամավոր: Ես խնդրում եմ, ասեք 5 հոգու անուն, չէ, 5-ը շատ է, 3 հոգու անուն, որոնց մասին՝ իրենց քաղաքական կենսագրությամբ, քաղաքական դիմագծով, ինտելեկտուալ, մտավոր մակարդակով, կարող եք այսօր Ձեր թոռնիկին ասել՝ ա՛յ, այսպիսին պետք է լինի: Ես խնդրում եմ՝ 3 հոգու անուն ասեք՝ ես գնամ, իմ երեխաներին, թոռներին ասեմ՝ այ, տեսե՛ք, նրանք խորհրդանշում են մեր ինտելեկտուալ քաղաքական մակարդակը, որն այսպիսին պետք է լինի»: ՀՀԿ պատգամավորը պատասխանել է. «Ռաֆիկ Պետրոսյան՝ մեկ»: «Լավ, երկրո՞րդը»,- հարցրել է Ռուբեն Հակոբյանը, բայց այլ անուններ չեն հնչել: «Ես չեմ ուսումնասիրել այդ հարցը, բայց իրոք կան, չի կարելի այդպես ասել»,- պատասխանել է Ռաֆիկ Պետրոսյանը:
