Մրգերի օգտակարության մասին շատ է խոսվում եւ գրվում: Սակայն օգտագործվող մրգերի քանակը չարաշահելու դեպքում կարելի է հավելյալ քաշ ձեռք բերել եւ էապես ավելացնել մի շարք հիվանդությունների առաջացման հավանականությունը, հավաստում են բրիտանացի հետազոտողները: Հետազոտությունների ընթացքում գիտնականները հայտնաբերել են, որ ֆրուկտոզան բթացնում է հագեցվածության զգացողությունը, որի արդյունքում ուտելու ժամանակ մարդ ավելի շատ կալորիաներ է ընդունում, քան նրան անհրաժեշտ է: Մրգերի շատ օգտագործումը հանգեցնում է նաեւ արյան մեջ շաքարի պարունակության բարձրացմանը, ինչը վտանգավոր է շաքարախտով տառապողների համար:
Հարկ է նշել, որ աճում է նաեւ սրտանոթային հիվանդությունների առաջացման հավանականությունը, քանի որ մրգերի հետ միասին օրգանիզմ են մուտք գործում տրիգլիցերիդներ, որոնք հավաքվելով, նպաստում են տարատեսակ հիվանդությունների առաջացմանը: Գիտնականները խորհուրդ են տալիս նման դիետաների ժամանակ մեկ մրգից հետո ուտել չորս բանջարեղեն:
