«Առավոտը» ԿԳ նախարարությունից հետաքրքրվեց Կոտայքի մարզի Հրազդան քաղաքում ինքնասպան եղած 15-ամյա աշակերտով։ Ըստ մամուլում տարածված լուրերի, պատանին գրություն էր թողել, թե զզվել է դաս սովորելու, հատկապես անգլերեն սովորելու՝ տնեցիների հորդորներից։ ԿԳՆ հասարակայնության հետ կապերի եւ տեղեկատվության վարչությունից Մարինե Ղեւոնդյանն ասաց, որ դեռեւս մանրամասներ չեն ստացել մարզից ու կարծիք հայտնեց, թե չպետք է ամեն ինչ դպրոցի վրա բարդել: Նրա խոսքով, քանի որ հիմա մոդայիկ է օտար լեզուներին ուշադրություն դարձնելը, ծնողներն էլ երեւի մտածել են, որ անգլերեն չսովորի՝ մարդ չի դառնա, անընդհատ պահանջել են լավ սովորել. «Հիմա այդ երեխան էլ թող անգլերեն չիմանար»:
