Այսօր լրանում է հայ ժողովրդի երջանկահիշատակ զավակ, ՀՀ վաստակավոր մարզիչ, ճանաչված ըմբշամարտիկ, ազատ ոճի ըմբշամարտի ֆեդերացիայի առաջին նախագահ, ՀՀ երկու գումարման Ազգային ժողովի պատգամավոր, «Մալաթիա-Սեբաստիա» համայնքի առաջին համայնքապետ, ազգային-ազատագրական պայքարի առաջամարտիկ, «Մալաթիա» Երկրապահ կամավորական ջոկատի հիմնադիր հրամանատար Վահան Զատիկյանի 54-ամյակը։ Նրա հիշատակը վառ է հայ ժողովրդի սրտում՝ որպես հաղթանակած երկրի արժանի զավակ, որպես մարդ, որի համար հայրենիքը արժեք էր ու հպարտություն։ Վահան Զատիկյանի ծննդյան տարեդարձը շնորհավորում են նրա հարազատները, հանրապետության բոլոր երկրապահները, համայնքի բնակչությունը։
