Որպեսզի մի շարք պետական կառույցներում աշխատավարձերի սահմանման ընթացքում էական շեղումներ չարձանագրվեն, կառավարությունը որոշել է փոփոխություններ կատարել լրավճարների ու պարգեւատրումների կարգին վերաբերող ավելի վաղ ընդունած որոշման մեջ: Երեկ կառավարության նիստի ժամանակ ՀՀ ֆինանսների նախարար Տիգրան Դավթյանը նշեց, որ հաճախ խնայողությունների հաշվին կատարվում են լրավճարներ ու պարգեւատրումներ, որոնք բավականին լուրջ շեղումներ են առաջացնում. «Այս խնդիրը կանոնակարգելու համար առաջարկում ենք խնայողությունների հաշվին առաջացած լրավճարների չափը սահմանվի կառավարության կողմից, իսկ տարեվերջին խնայված միջոցները վերադարձնեն պետական բյուջե»:
