ՀՀ կառավարության որոշմամբ, գյուղնախարարությունը Եվրամիության երկրներ կարտահանի ձուկ, ջրային կենդանիներ, դրանցից ստացված մթերք: Քանի որ կենդանիների, այդ թվում՝ ձկների ու ջրային այլ կենդանիների առողջության համար պատասխանատու պետական լիազոր մարմին է համարվում գյուղատնտեսության նախարարությունը, ապա արտադրանքի անասնաբուժասանիտարական անվտանգության հավաստումը պետք է կատարի նույն գերատեսչությունը: Գործադիրը փոփոխություն է կատարել իր նախկին որոշումներից մեկում, որի համաձայն՝ պետբյուջեով նախատեսված 558.000.0 հազար դրամ է հատկացվել արտասահմանից աշնանային ցորենի էլիտային վերարտադրության սերմացու ձեռք բերելու համար:
