Արձագանքելով «Առավոտում» (16.10.2010) հրապարակված «Ազգայնականներ, ո՞ւր եք» վերնագրով նյութին, որտեղ թերթը, հղում անելով «Անկախ նորություն» կայքէջին եւ Facebook-ին՝ նշել էր, որ Հյուսիսային պողոտայի բնակիչ Մարիամ Գիշյանի 130 քմ մակերեսով բնակարանը եւ 1000 քմ հողամասը պետությունը գնահատել է $20 000, Երեւանի քաղաքապետարանից հայտնեցին. «Լալայանց 30 հասցեում գտնվող բնակարանը Մ. Գիշյանը տնօրինել է առանց փաստաթղթերի, այդ հասցեի բնակիչները դիտվել են ոչ որպես սեփականատերեր, այլ՝ որպես օգտագործողներ: 2003 թ. Մ. Գիշյանին առաջարկվել է 4 սենյականոց բնակարան Երեւանում, սակայն նա հրաժարվել է այդ առաջարկից՝ հայտարարելով, որ ցանկանում է ստանալ գումարային փոխհատուցում $200 000-ին համարժեք դրամի չափով»:
