«Եվրոպան պետք է ակտիվացնի համատեղ ջանքերը ղարաբաղյան հակամարտությունը լուծելու համար»,- «Ազատություն» ռ/կ-ի մատուցմամբ, հայտարարել է Մեծ Բրիտանիայի Եվրոպայի հարցերով նախարար Դեյվիդ Լիդինգթոնը՝ Ադրբեջանի լեզուների համալսարանում ունեցած իր ելույթի ժամանակ: «Լեռնային Ղարաբաղի հակամարտությունը լուրջ մտահոգություն է առաջացնում Եվրամիությունում: Մենք կարող ենք ակտիվացնել համատեղ ջանքերը՝ սատարելու համար այդ հակամարտության լուծման գործընթացին: Մեծ Բրիտանիան եւ Եվրամիության իր գործընկերները շահագրգռված են աջակցել Հայաստանին եւ Ադրբեջանին ղարաբաղյան հակամարտության լուծման հարցում»,- հավելել է Լիդինգթոնը:
