![\"\"](\"https://www.aravot.am/2010/aravot_arm/October/20/p33.jpg\")
Երեւանի «Հատիս» ակումբի կանանց բասկետբոլային թիմը հոկտեմբերի 25-ի երեկոյան մեկնում է Նովոսիբիրսկ, որտեղ Եվրագավաթի խաղարկության նոր փուլի մեկնարկային հանդիպումը կանցկացնի տեղի «Դինամոյի» հետ: Իսկ մինչ այդ մարզվում է «Միկա ՄԱ» դահլիճում:
Երեկ Հայաստանի բասկետբոլի ֆեդերացիայից հետաքրքրվեցինք, թե հանրապետության անցած տարվա լավագույն թիմի կազմում ովքե՞ր են մրցակցի դաշտում մտնելու խաղադաշտ: Տվեցին 13 անուն: Ահա նրանք՝
Ամանդա Ջեքսոն (ԱՄՆ), Քիանա Չեյնի (ԱՄՆ), Քրիստինե Կեպենեկյան (Հայաստան), Էրիկա Դեւիս (ԱՄՆ), Իվա Սերդար (Խորվաթիա), Մարտինա Զուբակ (Խորվաթիա), Աննա Պոկոյովա (Ուկրաինա), Գաննա Զարիցկա (Ուկրաինա), Կաելա Չաբդելայն (Կանադա), Աննա Բաղդոյան, Անի Պետրոսյան, Սաթենիկ Մարտիրոսյան, Հասմիկ Միքայելյան (բոլորն էլ՝ Հայաստան): Ֆեդերացիայից, սակայն, ասացին նաեւ, որ վերջին երեք բասկետբոլիստուհիներից մեկը չի մեկնի մրցավայր, քանի որ թիմը պետք է համալրված լինի 12 խաղացողով:
