![\"\"](\"https://www.aravot.am/2010/aravot_arm/October/20/p21.jpg\")
![\"\"](\"https://www.aravot.am/2010/aravot_arm/October/20/p22.jpg\")
Այս տարածքում նախկինում խաղահրապարակ էր, իսկ այժմ՝ «վկաների» հավաքատեղի:
![\"\"](\"https://www.aravot.am/2010/aravot_arm/October/20/p23.jpg\")
Սա ավտոկայանատեղիին խանգարող կարուսելներից մեկն է, որ հայտնվել է ձորում:
Նոր Նորքի 5-րդ զանգվածի Գալշոյան փողոցի մի խումբ բնակիչներ դիմել են մեր թերթին: Գալշոյան 12 եւ 18 շենքերի դիմաց մեկ տարի առաջ «Եհովայի վկաները» շենք են կառուցել: Նույն տարածքում բնակիչների բազմաթիվ դիմումների արդյունքում թաղապետարանն էլ մանկական խաղահրապարակ էր կառուցել: Բնակիչները ահազանգում են, որ այդ եւ հարակից տարածքը այժմ «գրավել» են եհովականներն ու նրանց ավտոմեքենաները. շուտով նրանց ավտոկայանատեղին է «ծլելու»: Այս փողոցում գտնվող 4 բարձրահարկերից յուրաքանչյուրն ունի 120 բնակարան (ի դեպ, շենքերից եւ ոչ մեկը բակ չունի): Եթե յուրաքանչյուր ընտանիք ունենա 1 երեխա, ապա մոտ 480 երեխա կմնա առանց խաղահրապարակի:
«Առավոտը» կապվեց Նոր Նորքի թաղապետարանի կոմունալ բաժնի պետ Հակոբ Հակոբյանի հետ: Նա ասաց, որ տեղյակ չէ վերոնշյալ շինությունից, նաեւ հավելեց, թե երկուշաբթի օրը համապատասխան պարզաբանումներ կտա, երբ ամեն ինչ սեփական աչքով տեսնի: Երեկ էլ պարոն Հակոբյանն ասաց, որ վիճահարույց տարածքը Երեւանի արդեն նախկին քաղաքապետ Երվանդ Զախարյանի օրոք է հատկացվել «Եհովայի վկաներին»: «Նրանք իրենց շենքում հավաքվելու կոնկրետ օրեր ունեն, պիտի տեսնենք՝ երբ են հավաքվում, որպեսզի գնանք եւ ստուգենք փաստաթղթերի օրինականությունը կամ լինել- չլինելը»,- խոստացավ պարոն Հակոբյանը: Ավելի ուշ խորհուրդ տվեց կապվել թաղապետարանի Ճարտարապետական վերահսկողության վարչության աշխատակիցների հետ, ասաց՝ նրանք ավելի տեղեկացված են խնդրին: Այս մասին հոգեւորականի դիտարկումներն էլ կներկայացնենք առաջիկայում:
