ՀՀ առաջին նախագահ եւ Հայ ազգային կոնգրեսի առաջնորդ Լեւոն Տեր-Պետրոսյանը երեկ հանդիպել է ԵԽԽՎ Հայաստանի հարցերով համազեկուցող Ջոն Պրեսկոտի հետ: Հանդիպման ընթացքում քննարկվել են ԵԽԽՎ 1677 բանաձեւի չկատարման հետ կապված հարցեր:
Հատուկ անդրադարձ է եղել քաղբանտարկյալների ազատ արձակման, Մարտի 1-ի սպանությունների բացահայտման, ինչպես նաեւ «Ա1+» հեռուստաընկերության վերաբերյալ ՄԻ Եվրոպական դատարանի կայացրած վճռի կատարմանն առնչվող հարցերին:
Հանդիպմանը մասնակցել են ՀԱԿ կենտրոնական գրասենյակի ներկայացուցիչներ Լեւոն Զուրաբյանը եւ Ավետիս Ավագյանը: Ծրագրված է Լեւոն Տեր-Պետրոսյանի հանդիպումը նաեւ ԵԽ գլխավոր քարտուղար Թյորբորն Յագլանդի հետ, որը մասնակցելու է ԵԽ երեւանյան համաժողովի փակման նիստին։
