ՀՖՖ մամուլի քարտուղարությունը տեղեկացնում է, որ ֆուտբոլի Հայաստանի մինչեւ 19 տարեկանների հավաքականը մեկնել է Լիտվա՝ հոկտեմբերի 19-24-ին մասնակցելու այդ տարիքային խմբի Եվրոպայի առաջնության 11-րդ ընտրական խմբի հանդիպումներին: Լիտվայում մեր թիմի մրցակիցները լինելու են Իսպանիայի, Իսրայելի եւ Լիտվայի իրենց հասակակիցները: Նույն աղբյուրը տեղեկացնում է նաեւ, որ մարզչական շտաբը, ավագ մարզիչ Սեւադա Արզումանյանի գլխավորությամբ, մրցավայր է տարել 18 ֆուտբոլիստի, որոնք հավաքագրվել են բացառապես տեղական ակումբներից:
Հայաստանի հավաքականի խաղային օրերն են:
19.10.10՝ Իսրայել-Հայաստան,
21.10.10՝ Իսպանիա-Հայաստան,
24.10.10՝ Հայաստան-Լիտվա:
