Իսրայելական եւ թուրքական ընկերություններն ակտիվ մասնակցություն են ունենում ադրբեջանական բանակի զինման գործում: Այդ մասին հաղորդում է news.am-ը՝ վկայակոչելով ադրբեջանական APA-ն: Ըստ աղբյուրի, արդեն համաձայնություն է ձեռք բերվել, որ իսրայելական Elbit Systems ընկերությունն արդիականացնելու է ադրբեջանական բանակի T-72 տանկերը: Ընկերությունն ավելի վաղ՝ փորձարկումների ժամանակ Ադրբեջանում եւս մի քանի տանկ էր արդիականացրել: Նախիջեւանում տանկերի արդիականացմամբ զբաղվել է թուրքական ASELSAN ընկերությունը: Թուրքական մեկ այլ՝ MKEK ընկերությունը Ադրբեջանի հետ քննարկում է հրազենի եւ զինամթերքի՝ մասնավորապես թմբուկավոր նռնականետերի արտադրություն ստեղծելու հարցը: Ընկերությունը նաեւ Ադրբեջանի պաշտպանական արդյունաբերության նախարարության հետ սկսելու է դիպուկահար IST-12,7 հրացանի, թուրքական Bora հրացանի, գնդացիր-ատրճանակի արտադրություն:
