![\"\"](\"https://www.aravot.am/2010/aravot_arm/October/19/p16.jpg\")
Նոյեմբերի 1-ից Նոյեմբերյանի քաղաքային մշակույթի տանը կբացվի դերասանական (թատերական) ստուդիա: Ուսման տեւողությունը մեկ տարի է: Դասընթացները կվարի կինոյի եւ թատրոնի հայտնի դերասան Արտաշես Ալեքսանյանը, նույն ինքը՝ Բաբկեն Սոսովիչը («Ճակատագրի գերիները»), Հակոբ Սարոյանը («Դժբախտ երջանկություն»), Շեֆը («Մի վախեցիր»), «Հասանը» («Վերադարձ»):
Ստուդիայում ընդգրկվելու համար տարիքային սահմանափակում չկա: Ուսումը վճարովի է: Սահմանագոտում թատերական ստուդիա բացելու իսկապես գովելի նախաձեռնության հեղինակը Նոյեմբերյանի մշակույթի տան տնօրեն Կարինե Ազիբեկյանն է: Մեզ հետ զրույցում հայտնի դերասան Արտաշես Ալեքսանյանն ասաց, որ արդեն 6 տարի «դերասանական վարպետություն եւ ռեժիսուրա» է դասավանդում Երեւանի մանկավարժական ինստիտուտի կուլտուրայի ֆակուլտետում, որպես հրավիրված դերասան ելույթ ունենում Սունդուկյանի անվան եւ Դրամատիկական թատրոններում:
