Լեռնային Ղարաբաղի հակամարտությունը, որն «արդեն չափազանց երկար է շարունակվում, վտանգ է ներկայացնում տարածաշրջանի երկրների համար»,- «Ա1+»-ի փոխանցմամբ, «Կոմերսանտին» տված հարցազրույցում ասել է Հարավային Կովկասում Եվրամիության հատուկ ներկայացուցիչ Պիտեր Սեմնեբին՝ հավելելով, որ շատ ողբերգական կլինի, եթե ղարաբաղյան հակամարտությունը չլուծվի եւս 40 տարվա ընթացքում: ԵՄ ներկայացուցչի գնահատմամբ, անհրաժեշտ է ավելացնել ջանքերը՝ ԼՂ հակամարտությունը լուծելու, ինչպես նաեւ շփման գծում հրադադարի ռեժիմը պահպանելու համար: «Հրադադարը, իհարկե, խնդիրը չի լուծում, բայց այն նպաստում է բանակցային գործընթացի նորմալացմանը»,- ասել է Պիտեր Սեմնեբին:
