Ահազանգ է ստացվել, որ Գորիս-Տաթեւ ավտոճանապարհի 40-րդ կմ-ի հատվածում («Սատանայի կամրջի» մոտ) տեղի է ունեցել ճանապարհատրանսպորտային պատահար: «Արարատճանշինին» պատկանող «ԻՎԵԿՈ» մակնիշի 036 ԼԼ 26 պետհամարանիշով բեռնատար ավտոմեքենան, դեռեւս չպարզված հանգամանքներում, դուրս է եկել երթեւեկելի մասից եւ գլորվել ձորը, ինչի հետեւանքով վարորդ՝ 48-ամյա Մ. Անդրեասյանը ստացել է մարմնական վնասվածքներ: Մ. Անդրեասյանը դուրս է բերվել ձորից եւ շտապօգնության մեքենայով տեղափոխվել Գորիսի հիվանդանոց:
Ըստ բժիշկների՝ տուժածի վիճակը գնահատվում է բավարար:
