![\"\"](\"https://www.aravot.am/2010/aravot_arm/October/16/p1.jpg\")
Դեռ մարտի 26-ին «Անկախ նորություն» կայքը տեղեկացրել էր, որ «Հյուսիսային պողոտայում «պետական կարիքների համար» շենքի կառուցման նպատակով իր տնից վտարված ու փողոց նետված, երկրորդ կարգի հաշմանդամ, հինգ զավակների մայր Մարիամ Գիշյանը մտադիր է մեկնել Թուրքիա եւ այնտեղ քաղաքական ապաստան խնդրել:
Նրա չափահաս զավակները վարձակալած տան վարձը՝ 60 հազար դրամ, կուտակել ու չէին կարողանում վճարել, որովհետեւ աշխատանք չէին գտնում անձնագիր ու մշտական բնակության հասցե չունենալու պատճառով:
Նրանց տունը՝ շուրջ 130 քմ մակերեսով ու 1000 քմ հողամասով, պետությունը ընդամենը 20.000 դոլար էր գնահատել:
Օրերս Facebook սոցիալական ցանցում Անահիտ Բերբերյան անունով հանդես եկած մի քաղաքացի «Ազգայնականնե՛ր, ո՞ւր եք» վերնագրի տակ տեղեկացրեց, որ «պետական կարիքի» զոհ Մարիամ Գիշյանը նոր է վերադարձել Թուրքիայից. նրան այդ երկրում համաձայնել են քաղաքական ապաստան տալ:
Մեկ ամսից նա չորս զինվոր եւ մեկ ապագա մայր է տանելու Հայաստանից:
