Հարգելի ֆուտբոլասերներ,
![\"\"](\"https://www.aravot.am/2010/aravot_arm/October/15/p23.jpg\")
ֆուտբոլի Եվրոպայի 2012 թվականի առաջնության ընտրական մրցաշարի ընթացքում Հայաստանի ազգային հավաքականը բազում հաճելի պահեր պարգեւեց բոլորիս: Սլովակիայի եւ Անդորրայի հավաքականների հետ հանդիպումներում մեր տղաներն ապացուցեցին, որ ի զորու են կատարել իրենց առջեւ դրված ամենաբարդ խնդիրները եւ, ամենակարեւորը, գեղեցիկ ու արդյունավետ խաղով հաճույք պատճառել մեր երկրպագուներին: Հայաստանի ազգային հավաքականը, որը հանդես է գալիս երիտասարդ կազմով, ձեւավորման փուլում է եւ ձեր աջակցության շնորհիվ է, որ մեր ընտրանին այսօր հաջողությունների է հասել:
Ես ցանկանում եմ իմ խորին շնորհակալությունը հայտնել մեր երկրպագուներին՝ Հայաստանի ազգային հավաքականին բուռն աջակցելու եւ քաջալերելու համար: Հուսով եմ, որ հաջորդ տարի պատասխանատու հանդիպումների ժամանակ դուք կրկին կլինեք սիրելի հավաքականի կողքին:
Շնորհավորում եմ ողջ հայությանը, մարզական հասարակությանը, ֆուտբոլային ընտանիքի բոլոր անդամներին՝ այս հաղթանակների առթիվ, կիսելով ձեզ հետ այն համոզմունքը, որ Հայաստանի ազգային հավաքականի լավագույն հանդիպումները դեռ առջեւում են:
