![\"\"](\"https://www.aravot.am/2010/aravot_arm/October/15/p16.jpg\")
Orange-ը հիմնում է նորարարության մրցանակ՝ հայ ուսանողների համար: Երեկվա ասուլիսում Orange Արմենիայի գլխավոր տնօրեն Բրունո Դյութուան ասաց, որ առաջիկայում նորարարական նախագծերի մրցույթ են հայտարարելու Երեւանի պետական եւ Ճարտարագիտական համալսարանների ուսանողների համար: Հաղթողները հնարավորություն կստանան մինչեւ վեց ամիս վճարվող աշխատանքային պրակտիկա անցնել Orange Labs-երից մեկում եւ աշխատել նորարարական նախագծերի վրա:
Նա տեղեկացրեց, որ մրցույթին մասնակցելու համար հայտերն ու նախագծերը պետք է նախապես ներկայացնել Orange Արմենիայի գրասենյակ: Պարոն Դյութուան ասաց, որ Orange Labs-երը Orange «ՖրանսՏելեկոմ» խմբի համաշխարհային նորարարական լաբորատորիաների ցանցն են կազմում, որտեղ աշխատում են 50 տարբեր ազգությունների 3500 գիտաշխատողներ, շուկայագետներ, դիզայներներ:
