Ռուսաստանում ապրող բաղանիսցիների ֆինանսավորմամբ ու համայնքապետարանի ներդրմամբ, Տավուշի մարզի Բաղանիս գետի վրա կառուցվել է 14 մ երկարությամբ, 1,4 մ լայնությամբ հետիոտն կամուրջ: Կամուրջը նաեւ տախտակապատվել է, որ ձմռանը մերկասառույցը չխանգարի անցուդարձին: Բաղանիսի գյուղապետ Ստեփան Սահակյանի խոսքով՝ նորակառույց կամուրջը 800 բնակիչ ունեցող գյուղի համար կարեւոր է, քանզի այն բնակավայրի հիմնական մասը կապում է գետի աջ ափին գտնվող «Մլի աղբյուրի» եւ «Դիմաց» թաղամասի հետ:
