![\"\"](\"https://www.aravot.am/2010/aravot_arm/October/13/p22.jpg\")
Ջերմուկում ընթացող շախմատի Կարեն Ասրյանի երրորդ հուշամրցաշարի ավարտից երկու տուր առաջ մրցաշարային աղյուսակը 6,0 միավորով միանձնյա գլխավորում է գրոսմայստեր Տիգրան Քոթանջյանը:
Նրան ընդամենը կես քայլ է զիջում Վրաստանի ներկայացուցիչ Կոնստանտին Շանավան, իսկ առաջատարների եռյակը եզրափակում է Սերգեյ Վոլկովը՝ 5,0 միավորով: Ռուսաստանցուն համաքայլ ընթանում են եւս վեց շախմատիստներ, որոնց մեջ են մեր հանրապետության ներկայացուցիչներ Ռոբերտ Հովհաննիսյանը, Դավիթ Պետրոսյանը, Սամվել Տեր-Սահակյանը եւ Զավեն Անդրիասյանը: Նրանք, ինչպես նաեւ վրացիներ Դավիթ Մաղալաշվիլին եւ Գեորգի Բագատուրովը Վոլկովին մրցաշարային աղյուսակում զիջում են լրացուցիչ գործակիցներով: Երեկ ութերորդ տուրի օրն էր:
