ԱԻՆ փրկարար ծառայության տեղեկացմամբ, նախորդ օրը ահազանգ է ստացվել, որ Երեւանի Ծովակալ Իսակովի պողոտայի թիվ 2 հասցեում գտնվող Վ. Վաղարշյանի անվան թիվ 80 դպրոցի հարակից տարածքում տեղի է ունեցել ճանապարհատրանսպորտային պատահար:
«ԵրԱԶ» մակնիշի 09 ՕԼ 695 պետհամարանիշի ավտոմեքենան դուրս է եկել երթեւեկելի մասից եւ բախվել դպրոցի պատին, ինչի հետեւանքով վարորդ, 54-ամյա Ռաֆայել Մելքոնյանը եւ ուղեւոր` 61-ամյա Ռազմիկ Գուլյանը ստացել են մարմնական վնասվածքներ եւ տեղափոխվել Երեւանի «Արմենիա» բժշկական կենտրոն:
Հրդեհ՝ հանրակացարանում
Երեկ ժամը 05.51-ին ահազանգ է ստացվել, որ հրդեհ է բռնկվել Չարենցավան քաղաքի 8-րդ թաղամասի 1-ին միկրոշրջանում գտնվող հանրակացարանում:
Այրվել է մեկ սենյակ՝ իր գույքով:
