Երեւանի կոնյակի գործարանը 100%-ով ավարտել է խաղողի մթերումները Արմավիրի եւ Այգեւանի մասնաճյուղերում: Tert.am- ի փոխանցմամբ, այս մասին երեկ լրագրողներին տեղեկացրել է ԵԿԳ գործադիր տնօրեն Արա Գրիգորյանը՝ հավաստելով, որ գյուղացիների նկատմամբ պայմանագրային պարտավորություններն ամբողջությամբ կատարվել են: Եվս մեկ շաբաթ մթերումները կշարունակվեն Տավուշի մարզում: «Վերջին մեկ շաբաթվա ընթացքում, անձրեւային եղանակներով պայմանավորված, խաղողով բեռնված մեքենաների կեսը ջուր էր, բայց ձեռքներս չէր գնում այդ պայմաններում հավաքված խաղողը հետ ուղարկել: Կյանք է, ամեն ինչ էլ պատահում է»,- ասել է պարոն Գրիգորյանը:
