Տավուշի մարզպետ Արմեն Ղուլարյանը հայտնեց, որ 2010 թվականի ընթացքում կատարվել է մարզի առողջապահական ոլորտի կադրային ներուժի թարմացում, բուժհիմնարկները համալրվել են անհրաժեշտ մասնագետներով: Դիլիջանում աշխատանքի են ընդունվել վիրաբույժ, ուռուցքաբան, քիթ-կոկորդ-ականջի մասնագետ, Իջեւանում՝ սրտաբան, Նոյեմբերյանում՝ վիրաբույժ:
Հիմնահարց է մնում Բերդի տարածաշրջանում անեսթեզիոլոգի (անզգայացնող) բացակայությունը: Այդ բացը լրացնելու համար գործուղումներով անեսթեզիոլոգ է մեկնում Բերդ: Հավելենք, որ Բերդում արդեն 3 տարի անեսթեզիոլոգ չկա:
