Համաշխարհային ռոքնռոլի լեգենդ, անկրկնելի Ջո Քոկերը հոկտեմբերի 26-ին համերգով հանդես կգա Երեւանում: Փայլուն բրիտանացի կատարողը Երեւան կժամանի իր Hard Knocks Tour համաշխարհային շրջագայության շրջանակներում, տեղեկացնում է «Արմինֆոն»:
Դեռեւս 60-ական թվականներին իր ստեղծագործական ուղին սկսած աշխարհահռչակ երգչի այցեքարտը դարձան You Are So Beautiful, Unchain My Heart, My Father\’s Son, Night Calls, You Can Leave Your Hat On հանրահայտ կատարումները: Ջո Քոկերը Բրիտանական կայսրության շքանշանի ասպետ է, նա երգել է Ջորջ Բուշի պաշտոնամուտի արարողության ժամանակ, Նելսոն Մանդելայի ծննդյան առթիվ կազմակերպված համերգում, Բեռլինի պատի անկման առիթով կազմակերպված վիթխարի ներկայացման ժամանակ, բազմիցս ելույթ է ունեցել բրիտանական թագավորական ընտանիքի ընդունելությունների ժամանակ: ԱՄՆ ռոքնռոլի փառքի սրահում (Քլիվլենդ, Օհայո նահանգ) Էլվիս Փրեսլիի, Rolling Stones-ի եւ Queen-ի որմնախորշերի կողքին գտնվում է Ջո Քոկերի պատվավոր որմնախորշը:
