Երեկ հայտնի դարձավ, որ գրականության ասպարեզում 2010թ. Նոբելյան մրցանակը ստացել է պերուացի գրող Մարիո Վարգաս Լյոսան։ Ստոկհոլմի Շվեդական ակադեմիայի տարածած հայտարարության մեջ նշված է, որ Վարգասը մրցանակը ստացել է «անհատի ընդդիմության, ապստամբության եւ պարտության վառ կերպարների համար»: Հիշեցնենք, որ մրցանակը կազմում է գրեթե $1,5 մլն, որը Լյոսային կտրվի դեկտեմբերի 10-ին՝ Ալֆրեդ Նոբելի մահվան օրը՝ Շվեդիայի թագավոր Կառլ 16-րդ Գուստավի կողմից:
