![\"\"](\"https://www.aravot.am/2010/aravot_arm/October/8/p18.jpg\")
Անդրկովկասում ստեղծված նոր իրողությունները փոխել որեւէ մեկին չի հաջողվի, չնայած այն բանին, որ վրաց դիվանագետները փորձում են արգելքներ հարուցել տարածաշրջանում կայունության հաստատմանը: ՀԼԸ-ծՏՉՏրՑՌ-ի մատուցմամբ, այս մասին Անդրկովկասի անվտանգության շուրջ ժնեւյան քննարկումների հերթական փուլի նախօրեին հայտարարել է Ռուսաստանի արտգործնախարարի տեղակալ Գրիգորի Կարասինը: Քննարկումները տեղի են ունենալու արդեն հաջորդ շաբաթ:
Կարասինի ասելով, վրացական դիվանագիտությունն ու վրաց քաղաքական գործիչները ամեն ինչ անում են կայունության հարցերն առաջ մղելու գործընթացը առավելագույնս դժվարացնելու համար: Նա նաեւ շեշտել է, թե ռուսական պատվիրակությունը պատրաստվում է քննարկումների սպասվող փուլին: «Ժնեւյան քննարկումները հենց Վրաստանի, Հարավային Օսեթիայի եւ Աբխազիայի միջեւ ուղիղ երկխոսություն ծավալելու նպատակ ունեն: Կովկասում առկա են նոր իրողություններ, եւ դրանք ճակատային հարձակումներով, բավականին կոշտ գործողություններով փոխել՝ ոչ մեկին չի հաջողվի»,- հայտարարել է Կարասինը: Հիշեցնենք, որ Ռուսաստանը 2008թ. օգոստոսին «հնգօրյա պատերազմից» հետո ճանաչել է վրացական նախկին ինքնավարությունների՝ Աբխազիայի եւ Հարավային Օսեթիայի անկախությունը: Թբիլիսին այդ տարածքները հայտարարել է օկուպացված եւ խզել է Ռուսաստանի հետ դիվանագիտական հարաբերությունները:
