Երեկ կառավարությունը հավանության է արժանացրել «Գյումրիի շտապբուժօգնության կայան, Բաղրամյանի պոլիկլինիկա եւ մոր ու մանկան պահպանության կենտրոն» ՓԲԸ-ին թմրամիջոցների եւ հոգեմետ նյութերի պահպանման լիցենզիաներ տրամադրելու մասին նախագիծը: Նիստի ընթացքում ՀՀ առողջապահության նախարար Հարություն Քուշկյանը նշեց, որ լիցենզիաները տրվում են ընկերությունների հայտերի հիման վրա՝ երեքական տարի գործունեության ժամկետով: Կառավարությունը նաեւ դրական է արձագանքել Հայաստանում ռադիոիզոտոպների արտադրության համալիրից, պոզիտրոնային էմիսիոն տոմոգրաֆներով համալրված ախտորոշիչ կենտրոնից ուռուցքաբանության հայկական կենտրոնի ստեղծման ծրագիրը:
