Աբրահամ-Ֆրոչ մարտը կլինի չեմպիոնական

«Daili Mail»-ը տեղեկացնում է, որ Բռնցքամարտի համաշխարհային խորհրդի (WBC) ղեկավարությունը բավարարել է այս վարկածով աշխարհի նախկին չեմպիոն Կարլ Ֆրոչի բողոքը եւ փոխել երկրորդ միջին քաշային կարգում WBC-ի թափուր տիտղոսի հետ կապված որոշումը:  Հիշեցնենք, որ այն բանից հետո, երբ այդ տիտղոսի տիրակալ  Միգել Կեսլերը հայտարարել էր մրցելույթները վնասվածքի պատճառով ժամանակավորապես դադարեցնելու մասին, WBC-ը սահմանել էր, որ կոչումը վիճարկվելու է «Super Six Boxing World Classic»-ի մյուս զույգի՝ ամերիկացիներ Անդրե Ուորդի եւ Անդրե Դիրրելի պայքարում: Իսկ Աբրահամ-Ֆրոչ մենամարտը պետք է լիներ ընտրական, որի հաղթողը դառնալու էր պարտադիր հավակնորդ: Նոր որոշման համաձայն՝ նոյեմբերի 27-ին վերջին զույգի հաղթողը կնվաճի WBC-ի չեմպիոնական գոտին: