Ավստրալիայի հակադոպինգային գործակալությունը տեղեկատվություն է տարածել այն մասին, որ խորհրդային ծանրորդ, աշխարհի 1982 ու Եվրոպայի 1983 թվականի չեմպիոն Յուրի Սարգսյանի որդին, այդ երկրի հավաքականի անդամ, 2009 թվականի Համագործակցության խաղերի արծաթե մեդալակիր, 77 կգ քաշային ծանրորդ Դավիթ Սարգսյանը երկու տարով որակազրկվել է դոպինգ օգտագործած լինելու համար: Մարզիկը դոպինգ- ստուգման ենթարկվել է անցած տարվա նոյեմբերի 18-ին՝ արտամրցումային փուլում, երբ գտնվելիս է եղել Երեւանում: Նրա արյան մեջ հայտնաբերվել է արգելված տեստոստերոն:
