Օրերս Վետերան մանկավարժների ակումբում կայացավ մանկավարժ, պատմության ուսուցչուհի, 70-ամյա Ռիմա Սիմոնյանի չրերից պատրաստած կոմպոզիցիաների ցուցահանդեսը: Տիկին Ռիման նշեց, որ դա իր ստեղծած աշխատանքների մի մասն է:
Ռ. Սիմոնյանը նշեց, որ դեռ մանկուց տարբեր նյութերից գեղեցիկ կոմպոզիցիաներ է պատրաստել, բայց երբեք դրանք չի ներկայացրել որեւիցե մեկին. «Որոշեցի չրերից էլ ծաղիկներ պատրաստել: Միայն չիր պատրաստելը, միրգ չորացնելը եւ այն զարդարված սեղանին դնելն արդեն կոմպոզիցիա է ինձ համար: Պարզապես ես հատուկ ֆորմաներով եմ աշխատում»: Ռ. Սիմոնյանն աշխատում է բոլոր մրգերով՝ խաղող, խնձոր, բանան, կեռաս, ելակ:
