Երեկ Հայաստանի գիտական հասարակայնությունը նշեց 20-րդ դարի խոշորագույն բուսաբաններից մեկի՝ մեծանուն գիտնական Արմեն Թախտաջյանի 100-ամյակը: ՀՀ ԳԱԱ բուսաբանության ինստիտուտում Հայաստանի բուսաբանական ընկերության աջակցությամբ հոկտեմբերի 6-8-ը տեղի կունենա «Արմեն Թախտաջյանը եւ բուսաբանական գիտության զարգացումը Հայաստանում» միջազգային գիտաժողովը՝ նվիրված աշխարհահռչակ բուսաբան-էվոլյուցիոնիստի 100-ամյակին: Գիտաժողովին մասնակցող հայ եւ արտասահմանցի գիտնականները հանդես կգան զեկուցումներով՝ նվիրված ինչպես Հայաստանի եւ Կովկասի բուսաբանության տարբեր ասպեկտների, այնպես էլ մոլորակի այլ շրջանների ֆլորայի ուսումնասիրմանը:
