Երեկ ՀՀ-ում Բելառուսի դեսպան Ստեպան Սուխորենկոն «Արմինֆոյին» ասել է, թե Բելառուսի տարածքում հայկական կոնյակի արտադրությունը ոչ մի կերպ չի հակասի հայաստանյան օրենսդրությանը: Խոսելով Բելառուսում հայկական կոնյակի գործարան կառուցելու մասին՝ նա ասել է. «Նախագիծը դեռ մտադրությունների փուլում է: Գիտեմ, որ ՀՀ սահմաններից դուրս հայկական կոնյակի շշալցումն արգելված է, սակայն, իմ կարծիքով, խոսքը Բելառուսում կոնյակի շշալցման մասին չէ, ուղղակի կառուցվելու է համատեղ ձեռնարկություն, որտեղ ՀՀ-ից ստացվող կոնյակի սպիրտի հիման վրա կիրականացվի կոնյակների հասունացում, կուպաժ,- նշել է նա,- դա կլինի համատեղ հայ-բելառուսական բրենդ՝ մակնշմամբ, որ այդ արտադրանքն արտադրվել է Բելառուսում: Դա չի հակասի հայկական օրենքին»:
