Հակերները կոտրել են Թուրքիայի փոխվարչապետ Ալի Բաբաջանի հոր անունով գրանցված «Ալի Բաբաջան տեքստիլ» ընկերության բանկային հաշիվը եւ 2 ժամվա ընթացքում հասցրել են 40 հազար ԱՄՆ դոլար հանել: News.am-ը՝ վկայակոչելով թուրքական Hurriyet-ին, փոխանցում է, թե «Ալի Բաբաջան տեքստիլ» ընկերության գլխավոր հաշվապահը նկատելով, որ բանկային հաշվից գումարներ են պակասում, անմիջապես զանգել է բանկ եւ կանխել հաշվեհամարի լրիվ դատարկումը: Ընկերության իրավաբանը դիմել է Անկարայի դատախազություն՝ թալանված գումարը գտնելու հայցով:
