Երեկ ՀՀ նախագահի աշխատակազմի ղեկավար Կարեն Կարապետյանը Սեւանա լճի հիմնահարցերի վերաբերյալ աշխատանքային խորհրդակցություն է անցկացրել, որին մասնակցել են Սեւանա լճի հիմնահարցերի հանձնաժողովի անդամներն ու համապատասխան գերատեսչությունների ղեկավարները:
Այս մասին հայտնում են ՀՀ նախագահի մամուլի գրասենյակից: Ներկայացվել է այս տարվա անցած 9 ամիսների ընթացքում հանձնաժողովի կատարած աշխատանքը: Հանձնաժողովի գործունեության կարգի համաձայն, այնուհետեւ հաշվետվության տեսքով այն կներկայացվի հանրապետության ղեկավարին:
Խորհրդակցության ավարտին հանձնաժողովի նախագահ Վլադիմիր Մովսիսյանը վստահեցրել է, որ քայլեր կձեռնարկվեն՝ Սեւանա լճի հիմնահարցերի հանձնաժողովի 2010թ. աշխատանքային գործունեության ծրագրով նախատեսված միջոցառումներն ամբողջությամբ, որակով ու ժամանակին կատարելու ուղղությամբ:
