Ըստ «Ա1+»-ի, նախորդ գիշեր գողություն է կատարվել Ալբերտ Ազարյանի անվան մարմնամարզության մասնագիտացված դպրոցում: Մուտքի ցուցանակի վրայից գողացել են չեմպիոն Ալբերտ Ազարյանի բրոնզե արձանիկը, որը նվիրել էին գյումրեցիները: «40 տարի է՝ այս արձանիկը այստեղ փակցված է: Ո՞նց կարելի է նման բան անել: Սա ինձ համար թանկ հիշատակ էր, ուղղակի ծանր էր, տուն չտարա եւ որոշեցի փակցնել դպրոցի մուտքի մոտ»,- «Ա1+»-ին վրդովված պատմել է Ալբերտ Ազարյանը:
Ի դեպ, գողերը թալանել են նաեւ դպրոցի հարեւանությամբ գործող սրճարանը եւ բակում դրված սառնարանի միջից տարել զովացուցիչ ըմպելիքը:
