ԵՎՍ ՄԻ ՔԱՂԱՔԱԿԱՆ ՀՆՉԵՂՈՒԹՅԱՄԲ ՀԱՐՍԱՆԻՔ

Նորապսակներն իրենց հարսանեկան տորթի վրա նախընտրել էին «Մենք դեմ ենք օտարալեզու դպրոցների վերաբացմանը» խմբի խորհրդանիշը

Այս տարվա հուլիսին «Օջախ» ռեստորանային համալիրում կայացավ Սարհատ Պետրոսյանի եւ Արեւիկ Մանուկյանի հարսանեկան արարողությունը: Հիշեցնենք, որ ճարտարապետ Սարհատ Պետրոսյանը, որն ակտիվորեն պայքարում էր «Մոսկվա» կինոթատրոնի ամառային դահլիճի քանդման դեմ՝ որդին է դաշնակցականներ Վազրիկ Պետրոսյանի եւ Ռուբինա Ղազարյանի: Վերջինս «Երկիր Մեդիա» հեռուստաընկերության հիմնադիրներից է: Իսկ Արեւիկ Մանուկյանը դուստրն է ԱԺՄ-ի հիմնադիրներ՝ Հանրային խորհրդի նախագահ Վազգեն Մանուկյանի եւ Վարդուհի Իշխանյանի: Բնական է, որ նման հարսանիքին բազմաթիվ էին քաղաքական ասպարեզը ներկայացնող հյուրերը: Եվ մասնավորապես՝ հրավիրված էր նաեւ վարչապետ Տիգրան Սարգսյանը, որի երկու նախաձեռնությունների՝ «Մոսկվա» կինոթատրոնի քանդման եւ օտարալեզու դպրոցների վերաբացման դեմ ընդդիմախոսությունն այս հարսանիքի ընթացքում արտահայտվեց ոչ միայն վանկարկումներով, այլ անգամ հարսանեկան տորթով: Սարհատ Պետրոսյանը համացանցում հրապարակել է այս գեղեցիկ հարսանիքի լուսանկարները, որոնցից մի քանիսը ներկայացնում ենք մեր ընթերցողների ուշադրությանը:

Հ. Գ. Մեր նախորդ նման ռեպորտաժի՝ Վիկտոր Դալլաքյանի որդու հարսանիքի վերաբերյալ լուսանկարչական ռեպորտաժից հետո, նորապսակների քավորը հրապարակավ հրաժարվեց Աստծո եւ եկեղեցու առջեւ իր ստանձնած պարտավորություններից: Շատ հուսով ենք, որ այդ նախադեպն այլեւս չի կրկնվի: