![\"\"](\"https://www.aravot.am/2010/aravot_arm/October/1/p23.jpg\")
Խանտի-Մանսիյսկում ՖԻԴԵ-ի նախագահի ընտրությանը զուգահեռ, որում 40 ձայնի առավելությամբ աշխարհի 12-րդ չեմպիոն Անատոլի Կարպովին հաղթեց գործող նախագահ Կիրսան Իլյումժինովը, անցկացվեցին նաեւ Եվրոպայի շախմատային միության (ԵՇՄ) նախագահի ընտրություններ, որտեղ միայն երկրորդ փուլում հայտնի դարձավ հաղթողը: Առաջին փուլից հետո պայքարից դուրս մնաց Անատոլի Կարպովի եւ Գարրի Կասպարովի առաջադրած թեկնածու Ռոբերտ ֆոն Վայցզեկերը՝ ասպարեզը թողնելով Թուրքիայի շախմատի ֆեդերացիայի նախագահ Ալի Նիհատ Յազիչիին եւ Բուլղարիայի ներկայացուցիչ, Վեսելին Տոպալովի մենեջեր Սիլվիո Դանաիլովին: Սկանդալային բնավորությամբ հայտնի Դանաիլովի օգտին համաժողովականները տվեցին ընդամենը 6 ավելի ձայն:
