Պակիստանա-աֆղանական սահմանամերձ շրջանում ՆԱՏՕ-ի ուղղաթիռների հասցրած ավիահարվածների արդյունքում սպանվել է Պակիստանի բանակի երեք զինծառայող: BBC-ի փոխանցմամբ, ի պատասխան այդ ավիահարվածների, Պակիստանը ՆԱՏՕ-ի բեռնատարներին արգելել է ռազմական բեռները Աֆղանստան տեղափոխելու համար օգտագործել իր երկրի տարածքում գտնվող Տորխամե սահմանակետը: Բացի այդ, Իսլամաբադը ՆԱՏՕ-ին մեղադրել է իր օդային տարածք ներխուժման մեջ: ՆԱՏՕ-ի հրամանատարությունը հաստատել է ավիահարված հասցնելու փաստը, բայցեւ հավելել է, թե իր հաշվարկներով, ուղղաթիռը Աֆղանստանի հետ Պակիստանի սահմանը չի հատել: Այդուհանդերձ, միջազգային ուժերի հրամանատարությունը խոստացել է տեղի ունեցածի առնչությամբ հետաքննություն իրականացնել:
