Ամերիկացի գիտնականները պարզել են՝ երիտասարդ տարիներին խաչբառների ու գլուխկոտրուկների հանդեպ սերը կարող է հանգեցնել նրան, որ ծեր տարիքում տկարամտությունն սկսի ավելի արագ զարգանալ։ Չիկագոյի խոշորագույն բժշկական կենտրոնի աշխատակիցներն ավելի քան 1000 հիվանդի են հետազոտել, եւ որոշ հետաքրքիր տվյալներ են ստացել գլխուղեղի «վարժեցման» դրական ու բացասական կողմերի մասին։ Նախկինում ենթադրվում էր, որ իրենց ինտելեկտն ակտիվ օգտագործող մարդիկ ամբողջովին պաշտպանված են Ալցհայմերի հիվանդությունից, սակայն ամերիկացի գիտնականները պարզել են, որ դա միայն հետաձգում է տկարամտության առաջացումը։ Մտածող մարդկանց մոտ հիվանդության առաջին նախանշանների ի հայտ գալուց հետո այն շատ ավելի արագ է զարգանում, քան սովորական մարդկանց մոտ, ովքեր քիչ են օգտագործում իրենց ինտելեկտը։ Այս մասին գրում է MIGnews-ը։
