![\"\"](\"https://www.aravot.am/2010/aravot_arm/September/29/p7.jpg\")
Ինֆորմացիայի ազատության կենտրոնը երեկ, Տեղեկատվության ազատության միջազգային օրվան նվիրված, հանձնեց 2010թ. մրցանակները:
«Ոսկե բանալի» մրցանակ շնորհվեց հետեւյալ անձանց եւ կազմակերպություններին.
1. Գորիսի համայնքապետարանին (քաղաքապետ՝ Նելսոն Ոսկանյան)՝ որպես «2010թ. ամենահրապարակային գործող մարմին»:
2. ՀՀ կառավարության էլեկտրոնային կառավարման կայքին՝ www.e-gov.am-ին՝ որպես «2010թ. տեղեկատվության տրամադրման լավագույն ինտերնետային պաշտոնական կայք»:
3.«Մենք ենք այս քաղաքի տերը» քաղաքացիական նախաձեռնությանը՝ որպես «2010թ. տեղեկություն ստանալու իրավունքը լավագույնս կիրառած հասարակական կազմակերպություն»:
4. Արամ Զաքարյանին («Առավոտ» օրաթերթ)՝ որպես «2010թ. տեղեկատվության ազատության հիմնահարցերն ամենաակտիվ լուսաբանած լրագրող»:
5. «Խոսքի իրավունք» հաղորդաշարին («հ2» հեռուստաընկերություն)՝ որպես «2010թ. տեղեկատվության ազատության հիմնահարցերն ամենաակտիվ լուսաբանած հեռուստահաղորդում»:
6. Հակոբ Թովմասյանին՝ որպես «2010թ. տեղեկություն ստանալու իրավունքը լավագույնս օգտագործած քաղաքացի»:
Մրցանակաբաշխության բացասական մրցանակը ժանգոտ կողպեքն է՝ որպես գաղտնիության եւ վատ աշխատանքի խորհրդանիշ: 2010թ.-ին այս մրցանակին արժանացավ Ստեփանավանի համայնքապետարանը՝ (քաղաքապետ Սարգիս Ղարաքեշիշյան)՝ որպես 2010թ. «Տեղեկատվության ազատության մասին» ՀՀ օրենքով սահմանված պարտականություններն ամենավատը կատարող մարմին: Նշենք, որ մեր գործընկեր Արամ Զաքարյանը «Առավոտի» երրորդ լրագրողն է, որը «ոսկե բանալի» է բերում թերթին:
