ՕՄԲՈՒԴՍՄԵՆԸ ԳՏԱՎ «ԲԱՐԵՓՈԽԻՉՆԵՐԻՆ»

ՀՀ նախագահ Սերժ Սարգսյանի առաջարկով` «Հեռուստատեսության եւ ռադիոյի մասին» օրենքի լրամշակման նպատակով կազմավորվում է աշխատանքային խումբ: ՀՀ մարդու իրավունքների պաշտպանի գրասենյակից երեկ տեղեկացրին, որ օմբուդսմեն Արմեն Հարությունյանը խնդրել է ՀՀ ԱԺ գիտության, կրթության, մշակույթի, երիտասարդության եւ սպորտի հարցերի մշտական հանձնաժողովի նախագահ Արտակ Դավթյանին, ՀՀ տրանսպորտի եւ կապի նախարար Մանուկ Վարդանյանին, Հայաստանի հեռուստատեսության եւ ռադիոյի ազգային հանձնաժողովի նախագահ Գրիգոր Ամալյանին, Հանրային հեռուստատեսության տնօրեն Գագիկ Բունիաթյանին եւ Հանրային խորհրդի նախագահ Վազգեն Մանուկյանին առաջարկել իրենց կողմից ներկայացուցիչ: Կասկած չկա, որ վերը թվարկած չինովնիկների ներկայացուցիչները ջանք ու եռանդ չեն խնայի օրենքն այնպես լրամշակելու համար, որպեսզի այն լիովին ապահովի խոսքի ազատությունը հեռուստա եւ ռադիոեթերում: